ಸಹಕಾರ ಸಂಘದ 6ನೇ ಸರ್ವಸದಸ್ಯರ ಸಭಾ ಸೂಚನಾಪತ್ರ

      ಕರ್ನಾಟಕ ರಾಜ್ಯ ಅಂಧ ನೌಕರರ ಸಹಕಾರ ಸಂಘ ನಿಯಮಿತ (ರಿ)

Reg No:OTS-2/293/HOT/52921/2018-19 Date: 14-02-2020

#41/ಬಿ, ರೈನ್ಬೋ ಲೇಔಟ್, ವಡೇರಹಳ್ಳಿ, ವಿದ್ಯಾರಣ್ಯಪುರ ಅಂಚೆ, ಬೆಂಗಳೂರು ಉತ್ತರ-560097

Email: ksecsb.kar@gmail.com

ವೀರಕ್ಯಾತಯ್ಯ ಎನ್                  ನೇತ್ರಾವತಿ                                     ಚಲುವರಾಜು ಎಂ ಪಿ

ಅಧ್ಯಕ್ಷರು- 9964100089      ಉಪಾಧ್ಯಕ್ಷರು- 9242881867        ಮುಖ್ಯಕಾರ್ಯನಿರ್ವಹಣಾಧಿಕಾರಿ- 9945439790

 

 

ಸಂಖ್ಯೆ: ಕರಾಅನೌಸಸನಿ/ಸಾಸಸಸೂಪ/6/2024.                                                ದಿನಾಂಕ: 16.08.2024.

 

ಸಭಾ ಸೂಚನಾ ಪತ್ರ

 

ಮಾನ್ಯರೇ,

 

ವಿಷಯ:	6ನೇ ಸರ್ವ ಸದಸ್ಯರ ಸಭೆಯನ್ನು ಆಯೋಜಿಸಿರುವ ಕುರಿತು.
ಉಲ್ಲೇಖ:	ದಿನಾಂಕ: 21.07.2024ರಂದು ಏರ್ಪಟ್ಟಿದ್ದ 5ನೇ ಆಡಳಿತ ಮಂಡಳಿ ಸಭೆಯ, ನಿರ್ಣಯ ಸಂಖ್ಯೆ

* * * *

ಸದರಿ ವಿಷಯಕ್ಕೆ ಸಂಬಂಧಿಸಿದಂತೆ ಈ ಮೂಲಕ ಸದಸ್ಯರುಗಳಿಗೆ ತಿಳಿಯ ಪಡಿಸುತ್ತಿರುವುದೇನೆಂದರೆ, ಸಹಕಾರ ಸಂಘದ 6ನೇ ಸರ್ವ ಸದಸ್ಯರ ಸಭೆಯನ್ನು ಅಧ್ಯಕ್ಷರಾದ ಶ್ರೀಯುತ ವೀರಕ್ಯಾತಯ್ಯ ಎನ್‌. ರವರ ಅಧ್ಯಕ್ಷತೆಯಲ್ಲಿ ಈ ಕೆಳಕಂಡಂತೆ  ನಡೆಸಲು ಉಲ್ಲೇಖಿತ ಆಡಳಿತ  ಮಂಡಳಿಯ 5ನೇ ಮಾಸಿಕ ಸಭೆಯಲ್ಲಿ ತೀರ್ಮಾನಿಸಲಾಗಿದೆ. ಅದರಂತೆ, ಸದರಿ ಸಭೆಗೆ ಸಂಘಧ ಸದಸ್ಯರುಗಳು ತಪ್ಪದೆ ಹಾಜರಾಗಬೇಕೆಂದು ತಮ್ಮಲ್ಲಿ ಕೋರಲಾಗಿದೆ.

 

ಸಭಾ ದಿನಾಂಕ:	16.09.2024. ಸಮಯ: ಬೆಳಿಗ್ಗೆ 10: 00 ಘಂಟೆಗೆ
ಸ್ಥಳ:	ಶ್ರೀ ಚನ್ನಬಸವಪ್ಪ ಸಭಾಂಗಣ, ಕೆ ಜಿ ಎಸ್‌ ಕ್ಲಬ್‌, ಕಬ್ಬನ್‌ ಉದ್ಯಾನವನ, ಬೆಂಗಳೂರು-1

ಸಭಾ ವಿಷಯ ಗಳು:

1.     5ನೇ ಸರ್ವ ಸದಸ್ಯರ ಸಭಾ ನಡಾವಳಿಯ ಸಂಕ್ಷಿಪ್ತ ವರದಿ ಮಂಡನೆ.

2.     ಸಹಕಾರ ಸಂಘದ 2023-24 ನೇ ಸಾಲಿನ ಲೆಕ್ಕ ಪರಿಶೋಧನಾ ವರದಿ ಹಾಗೂ ಅನುಪಾಲನಾ ವರದಿ ಮಂಡನೆ.

3.     2023-24ನೇ ಸಾಲಿನ ಆಡಳಿತ ವರದಿ  ಮಂಡನೆ.

4.     2024-25ನೇ ಸಾಲಿನ ಮುಂಗಡ ಪತ್ರ ಮಂಡನೆ.

5.     ಸಭೆಯಲ್ಲಿ ಮಂಡಿಸುವ ಕ್ರಮ ಸಂಖ್ಯೆ: 2 ರಿಂದ 4 ರವರೆಗಿನ ವರದಿಗಳಿಗೆ ಅನುಮೋದನೆ ಪಡೆಯುವುದು ಮತ್ತು 5ನೇ ಮಹಾಸಭೆಯ ನಿರ್ಣಯವನ್ನು ಅನುಮೋಧಿಸುವುದು.

6.     ಈ ಸಹಕಾರ ಸಂಘವು 2023-24ನೇ ಸಾಲಿನಲ್ಲಿ ಗಳಿಸಿದ ನಿವ್ವಳ ಲಾಭದ ಆಧಾರದಲ್ಲಿ ವಿವಿಧ ನಿಧಿಗಳಿಗೆ ಹಂಚಿಕೆ ಮತ್ತು ಸದಸ್ಯರ ಷೇರುಗಳಿಗೆ ಲಾಭಾಂಶ ನಿರ್ಧರಣೆ.

7.     ಸಹಕಾರ ಸಂಘದ ಉಪವಿಧಿಯ 25ನೇ ಉಪ ನಿಬಂಧನೆಯ ಸಾಲ ಹಾಗೂ ಠೇವಣಿಗಳ ನಿಯಮಗಳಿಗೆ ತಿದ್ದುಪಡಿಗೊಳಿಸಲು ಕರಡು ನಿಯಮವನ್ನು ಮತ್ತೊಮ್ಮೆ ಸಭೆಯಲ್ಲಿ ಮಂಡಿಸಿ, ಇದಕ್ಕೆ ಅನುಮೋದನೆ ಪಡೆಯುವುದು. ನಮುನೆ 4ರಲ್ಲಿ ಕರಡು ನಿಯಮಗಳನ್ನು ನಮೂದಿಸಲಾಗಿದೆ.

 

 

 

 

 

 

 

 

 

 

ಸೂಚನೆಗಳು:

1.     ಸಭೆಗೆ ಬರುವ ಸದಸ್ಯರು ಕಡ್ಡಾಯವಾಗಿ ಈ ಸಹಕಾರ ಸಂಘದ ಸದಸ್ಯತ್ವ ಗುರುತಿನ ಚೀಟಿ ತರತಕ್ಕದ್ದು. ಒಂದು ವೇಳೆ ಈ ದಾಖಲಾತಿಗಳನ್ನು ಕಳೆದುಕೊಂಡಿದ್ದಲ್ಲಿ ಗುರುತಿನ ಚೀಟಿಗೆ ರೂ.50 ಮತ್ತು ಪಾಸ್‌ಪೋರ್ಟ್‌ ಅಳತೆಯ ಭಾವಚಿತ್ರವನ್ನು ನೀಡಬೇಕು. ಷೇರು ಪ್ರಮಾಣ ಪತ್ರವನ್ನು ಕಳೆದುಕೊಂಡಿದ್ದಲ್ಲಿ ರೂ.50 ಪಾವತಿಸಿ ನಕಲು ಪ್ರತಿಯನ್ನು ಪಡೆಯತಕ್ಕದ್ದು. ಗುರುತಿನ ಚೀಟಿ ಹೊಂದಿಲ್ಲದವರಿಗೆ ಸಭೆಗೆ ಪ್ರವೇಶವಿಲ್ಲ.

2.     ಸದಸ್ಯರು ಮಕ್ಕಳ ಪ್ರೋತ್ಸಾಹದನಕ್ಕಾಗಿ ಮನವಿ ಸಲ್ಲಿಸಿದ್ದಲ್ಲಿ, ಕಡ್ಡಾಯವಾಗಿ ಮಕ್ಕಳೊಂದಿಗೆ ಸಭೆಗೆ ಹಾಜರಾಗತಕ್ಕದ್ದು

3.     ಸದಸ್ಯರು ಸಂಘದ ಬೆಳವಣಿಗೆಗೆ ತಮ್ಮ ಸಲಹೆ ಸೂಚನೆಗಳನ್ನು ಅಥವಾ ಪ್ರಶ್ನೆಗಳನ್ನು ಸಭೆಯ ಗಮನಕ್ಕೆ ತರಬಯಸುವ ವಿಷಯಗಳನ್ನು ದಿನಾಂಕ: 05.09.2024ರ ಒಳಗಾಗಿ ಸಹಕಾರ ಸಂಘದ ಕಛೇರಿಗೆ ಲಿಖಿತ ರೂಪದಲ್ಲಿ / ಮಿಂಚಂಚೆ ಮೂಲಕ ಕಳುಹಿಸಿಕೊಡತ್ತಕ್ಕದ್ದು

4.     ಲಾಭಾಂಶವನ್ನು ವಿತರಿಸುತ್ತಿರುವುದರಿಂದ ಕಡ್ಡಾಯವಾಗಿ ಬ್ಯಾಂಕು ವಿವರಗಳನ್ನು ಹೊಂದಿರುವ ಬ್ಯಾಂಕ್‌ ಖಾತೆಯ ದಾಖಲಾತಿಯನ್ನು ತರುವುದು. (ನಕಲು ಪ್ರತಿಯನ್ನು ತರುವುದು)

5.     ನೋಂದಣಿಗಾಗಿ ಸಂಪರ್ಕಿಸಬಹುದಾದ ಮೊಬೈಲ್‌ಸಂಖ್ಯೆ: 8867360940 / e-mail: ksecsb.kar@gmail.com

 

 

 

* * * *

 

 

 

 

 

 

 

 

 

 

 

 

 

ದಿನಾಂಕ:16.09.2024ರ 6ನೇ ಮಹಾ ಸಭೆಯ ಕಾರ್ಯಕ್ರಮದ  ಪಟ್ಟಿ-

 

1.     ಪ್ರಾರ್ಥನೆ.

2.      ಸ್ವಾಗತ ಭಾಷಣ.

3.     ಉದ್ಘಾಟನೆ

4.      ಪ್ರಾಸ್ತಾವಿಕ ನುಡಿ.

5.     2023-24ನೇ ಸಾಲಿನ ಲೆಕ್ಕಪರಿಶೋಧನಾ ವರದಿ ಮಂಡನೆ.

6.     2023-24ನೇ ಸಾಲಿನ ಲೆಕ್ಕ ಪರಿಶೋಧನಾ ವರದಿಯ ಉಲ್ಲೇಖಿತ ಕಂಡಿಕೆಗಳಿಗೆ ಅನುಪಾಲನಾ ವರದಿ ಮಂಡನೆ

7.     6ನೇ ಸರ್ವ ಸದಸ್ಯರ ಸಭಾ ಸೂಚನಾ ಪತ್ರವನ್ನು ಓದಿ ದಾಖಲಿಸುವುದು.

8.     5ನೇ ಸರ್ವಸದಸ್ಯರ ಸಭಾ ನಡಾವಳಿಯ ಸಂಕ್ಷಿಪ್ತ ವರದಿ ಮಂಡಿಸಿ ದಾಖಲಿಸುವುದು

9.     ತಿದ್ದುಪಡಿಗೊಳಿಸಲು ಉದ್ದೇಶಿಸಿರುವ ಉಪವಿಧಿಯ 25ನೇ ಉಪನಿಬಂಧನೆಯ ಪ್ರಸ್ತಾಪಿತ ಕರಡು ಮಂಡನೆ ಮತ್ತು ಅನುಮೋದನೆ.

10.  2023-24ನೇ ಸಾಲಿನ ಆಡಳಿತ ವರದಿ ಮಂಡನೆ.

11.   2023-24ನೇ ಸಾಲಿನಲ್ಲಿ ಹೆಚ್ಚು ಷೇರು ಪಡೆದ ಮತ್ತು ಠೇವಣಿ ಇರಿಸಿದ ಸದಸ್ಯರಿಗೆ ಸನ್ಮಾನ.

12.  2024-25ನೇ ಸಾಲಿನ ಮುಂಗಡ ಪತ್ರ ಮಂಡನೆ.

13.  ಗೊತ್ತುವಳಿಗಳ ಮಂಡನೆ,

14.  ಸದಸ್ಯರಿಂದ ಸ್ವೀಕರಿಸಿದ ಲಿಖಿತ ಪತ್ರಗಳಿಗೆ ಉತ್ತರ ನೀಡಿ ಇತರೆ ಅಂಶಗಳ ಬಗ್ಗೆ ಚರ್ಚೆ.

15.  ಅಧ್ಯಕ್ಷರ ಭಾಷಣ.

16.  ವಂದನಾರ್ಪಣೆಯೊಂದಿಗೆ ಕಾರ್ಯಕ್ರಮ ಮುಕ್ತಾಯ.

 

ಕಾರ್ಯಕ್ರಮದ  ಉಪಹಾರ ಸ್ವೀಕರಿಸಿದ ನಂತರ ಲಾಂಬಾಂಶ ವಿತರಣೆ,  ನೂತನ ಸದಸ್ಯತ್ವ ಹಾಗೂ ಠೇವಣಿ ಗಳನ್ನು ಸ್ವೀಕರಿಸುವ ಅವಕಾಶವನ್ನು ಕಲ್ಪಿಸಲಾಗಿದೆ.

 

ಸಂಘದ 6ನೇ ಮಹಾ ಸಭೆಯಲ್ಲಿ  ಸದಸ್ಯರೆಲ್ಲರು ಭಾಗವಹಿಸುವುದರ ಮೂಲಕ ಕಾರ್ಯಕ್ರಮ ಯಶಸ್ವಿಗೊಳಿಸಬೇಕೆಂದು ಕೋರಲಾಗಿದೆ. 

 

 

 

                               ಇಂತಿ ತಮ್ಮ ನಂಬುಗೆಯ,

(ಚೆಲುವರಾಜು ಎಂ.ಪಿ)

ಮುಖ್ಯ ಕಾರ್ಯನಿರ್ವಹಣಾಧಿಕಾರಿ